ترکی: کان میں دھماکے سے ہلاکتوں کی تعداد 274 ہو گئی

( ایجنسیز)


ترکی کے مغربی علاقے میں کوئلے کی کان میں دھماکے سے ہلاکتوں کی تعداد 2 سو 74 ہو گئی ہے ۔ کان میں تین سو سے زائد کان کن پھنسے ہوئے ہیں ، مختلف مزدور تنظیموں نے ملک میں آج مظاہروں کا اعلان کر دیا ہے۔

سوما میں پیش آنے والے اس حادثے کے وقت کان میں سات سو ستاسی مزدور موجود تھے ۔ حکام کے مطابق 300 سو سے زائد مزدور ابھی بھی چار سو بیس میٹر گہرائی میں پھنسے ہوئے ہیں ۔ دھماکے کے بعد بجلی کا نظام معطل ہونے سے لفٹ بے کار ہو گئی ۔ مقامی میڈیا کے مطابق حادثہ شفٹ



تبدیل ہونے کے وقت پیش آیا۔چار سو اہلکار ریسکیو آپریشن میں مصروف ہیں ۔ ترک وزیر اعظم طیب اردوان نے البانیہ کا دورہ منسوخ کرتے ہوئے ہنگامی اجلاس طلب کر لیا۔ترک وزیر اعظم نے کان کنوں کو بچانے کیلئے بڑے ریسکیو آپریشن کا حکم دیا ہے ۔ اس سے قبل ترکی میں کان کنی کے حوالے سے بدترین حادثہ 1992 میں پیش آیا جب بحیرہ اسود کے قریب واقع کان میں حادثے سے 270 کان کن ہلاک ہو گئے تھے ۔ انٹرنیشنل لیبر آرگنائزیشن کے مطابق 2012 میں مزدوروں کی خراب حالت اور اموا ت کے حوالے سے ترکی کا ریکارڈ اچھا نہیں ہے۔